നിരോധനാജ്ഞ പ്രഖ്യാപിച്ചു!, കൊല്ലത്ത് വോട്ടെണ്ണൽ കേന്ദ്രങ്ങളുടെ പരിസരത്ത് നിരോധനാജ്ഞ പ്രഖ്യാപിച്ചതായി ജില്ലാ കലക്ടർ

ലോക്സഭാതിരഞ്ഞടുപ്പ് വോട്ടെണ്ണൽ ദിനമായ നാളെ (ജൂൺ 4) വോട്ടെണ്ണൽ കേന്ദ്രമായ തങ്കശേരി സൈയിന്റ് അലോഷ്യസ് സ്കൂൾ ഉൾപ്പെടുന്ന പ്രദേശത്ത് പകൽ 5 മുതൽ വൈകിട്ട് 5 വരെ ജില്ലാ കലക്ടർ നിരോധനാജ്ഞ പ്രഖ്യാപിച്ചു. സൈയിന്റ് അലോഷ്യസ് സ്കൂളും ലക്ഷ്മിനട മുതൽ ആൽത്തറമൂട് വരേയാണ് നിരോധനാജ്ഞ.

പരിസരത്ത് പൊതുയോഗമോ 5 പേരിൽ കൂടുതൽ കൂട്ടം കൂടാനോ പാടില്ല. ആവശ്യ സർവീസുകളായ അടിയന്തര വൈദ്യ സഹായം ,നിയമ പാലനം ,അഗ്നി സുരക്ഷ ,സർക്കാർ പ്രവർത്തികൾ എന്നിവയ്ക്ക് അനുമതി ഉണ്ടെന്നും അറിയിച്ചു.