ശ്രദ്ധിക്കുക അല്ലെങ്കിൽ കുടുങ്ങും!, സംസ്ഥാനത്ത് ഇന്ന് സമ്പൂർണ്ണ മദ്യ നിരോധനം, കൈവശം വയ്ക്കുന്നതും വിൽക്കുന്നതും കുറ്റകരം, കൊല്ലത്ത് വരണാധികാരിയുടെ പ്രേത്യക അറിയിപ്പ് ഇങ്ങനെ

കൊല്ലം : ലോക്സഭ തിരഞ്ഞെടുപ്പ് വോട്ടെണ്ണൽ ദിവസമായ ഇന്ന് ( ജൂൺ 4)ജില്ലയിൽ സമ്പൂർണ മദ്യനിരോധനം വരണാധികാരി പ്രഖ്യാപിച്ചു. ഇത് പ്രകാരം മദ്യം കൈവശം വയ്ക്കുന്നതും വിൽക്കുന്നതും നിരോധിച്ചിട്ടുണ്ട്. മദ്യശാലകൾക്ക് പുറമേ പൊതു -സ്വകാര്യ ഇടങ്ങൾക്കും നിരോധനം ബാധകം. അതേ സമയം , ഒന്നാം തിയതിയും നാലാം തിയതിയും കേരളത്തിൽ സമ്പൂർണ ഡ്രൈ ഡേ ആയിരിക്കുമെന്ന് അധികൃതർ അറിയിച്ചിരുന്നം. ഒന്നാം തിയതി സ്ഥിരം ഡ്രൈ ഡേ ആയതിനാലും നാലാം തിയതി ലോക് സഭ തിരഞ്ഞെടുപ്പിന്‍റെ വോട്ടെണ്ണൽ ആയതിനാലുമാണ് സമ്പൂർണ മദ്യ നിരോധനമുള്ളത്. ഈ രണ്ട് ദിവസവും സംസ്ഥാനത്തെ മുഴുവൻ മദ്യ വിൽപ്പനശാലകളും അടഞ്ഞുകിടക്കും.

നേരത്തെ ലോക്സഭാ തിരഞ്ഞെടുപ്പിനോട് അനുബന്ധിച്ചും കേരളത്തിൽ രണ്ട് ദിവസം മദ്യ നിരോധനമുണ്ടായിരുന്നു. സംസ്ഥാനത്തെ എല്ലാ ബാറുകളും ബെവ്കോ ഷോപ്പുകളും 48 മണിക്കൂർ അടച്ചിട്ടിരുന്നു. വോട്ടെടുപ്പിന് മുന്നോടിയായി ഏപ്രിൽ 24 ന് വൈകിട്ട് 6 മണിക്ക് അടച്ചിട്ട മദ്യ വിൽപ്പനശാലകൾ വോട്ടെടുപ്പ് കഴിഞ്ഞ ശേഷം 26 ന് വൈകിട്ട് 6 മണിക്കാണ് തുറന്നത്.