കൊല്ലം സ്വദേശിയായ രണ്ടാം വർഷ എം.ബി.ബി.എസ് വിദ്യാർഥി കോളേജ് ഹോസ്റ്റലിൽ മരിച്ച സംഭവം...!, പൊതുദർശനത്തിന് ശേഷം മൃതദേഹം ഇന്ന് വീട്ടുവളപ്പിൽ സംസ്കരിക്കും

കൊല്ലം : പാലക്കാട് സർക്കാർ മെഡിക്കൽ കോളേജ് ഹോസ്റ്റലിൽ മരിച്ച നിലയിൽ കണ്ടെത്തിയ രണ്ടാം വർഷ എം.ബി.ബി.എസ് വിദ്യാർഥിയുടെ മൃതദേഹ സംസ്കാരം ഇന്ന് നടക്കും. പെരിനാട്, കുരീപ്പുഴ കളിയിലിൽ വീട്ടിൽ മുരളീധരൻ - സുജ ദമ്പതികളുടെ മകൻ ബിഷ്ണു (21) ആണ് മരിച്ചത്. വീട്ടിലെത്തിച്ച മൃതദേഹം പൊതുദർശനത്തിന് ശേഷം ഇന്ന് രാവിലെ 10 മണിയോടെ കുരീപ്പുഴ കൊച്ചാലുംമൂട് സമീപമുള്ള വീട്ടുവളപ്പിൽ സംസ്കരിക്കുമെന്ന് ബന്ധുക്കൾ അറിയിച്ചു.

അതേ സമയം, രണ്ടാം വർഷ എംബിബിഎസ് വിദ്യാർത്ഥി കൊല്ലം സ്വദേശി ബിഷ്ണുവിൻറെ മരണത്തിൽ അടിമുടി ദുരൂഹത. പെരിനാട്, കുരീപ്പുഴ കളിയിലിൽ വീട്ടിൽ മുരളീധരൻ - സുജ ദമ്പതികളുടെ മകൻ ബിഷ്ണുവിനെയാണ് ചൊവ്വാഴ്ച രാത്രി 11 മണിയോടെ ഹോസ്റ്റൽ മുറിയിൽ തൂങ്ങിമരിച്ച നിലയിൽ കണ്ടെത്തിയത്. മാസങ്ങൾക്കു മുമ്പ് പിതാവ് മുരളീധരൻ മരിച്ചതായും ബിഷ്ണു ഏറെ നാളായി ഇതിൻറെ മനോവിഷമത്തിൽ കഴിയുകയായിരുന്നുവെന്നും ഇതേ തുടർന്ന് ആകാം ആത്മഹത്യ എന്നും കൂട്ടുകാർ പറഞ്ഞതായി പത്രങ്ങൾ ഇന്ന് റിപ്പോർട്ട് ചെയ്തിരുന്നു.

എന്നാലത് പച്ചക്കള്ളമാണ്,  ബിഷ്ണുവിന് പനി കൂടുതൽ ആണെന്നും ഉടനെ എത്തണമെന്നും ഹോസ്റ്റൽ അധികാരികൾ അറിയിച്ചതിനെ തുടർന്ന് പിതാവ് മുരളീധരൻ കഴിഞ്ഞദിവസം തന്നെ അങ്ങോട്ട് പുറപ്പെട്ടിരുന്നു. കാര്യങ്ങൾ ഇങ്ങനെ ആയിരിക്കെ ചിലർ പത്രങ്ങൾക്ക് അത്തരത്തിലൊരു പ്രതികരണം നൽകിയത് കരുതുക്കൂട്ടി ആയിരിക്കാം എന്ന നിഗമനത്തിലാണ് ബന്ധുക്കളും നാട്ടുകാരും. എന്നാൽ ബിഷ്ണുവിന് ആത്മഹത്യ ചെയ്യേണ്ടതായി യാതൊരു കാരണവും കുടുംബവുമായി ബന്ധപ്പെട്ടില്ല എന്ന് തന്നെയാണ് അടുത്ത വൃത്തങ്ങൾ സ്ഥിരീകരിക്കുന്നത്.

എംബിബിഎസ് രണ്ടാംവർഷ വിദ്യാർഥിയായ വിഷ്ണു ഉൾപ്പെടെ മൂന്ന് പേരാണ് ഹോസ്റ്റൽ മുറിയിൽ ഉണ്ടായിരുന്നത്. സഹവാസികൾ ഭക്ഷണം കഴിക്കാൻ പോയി തിരികെ എത്തിയപ്പോൾ മുറി അകത്തുനിന്ന് പൂട്ടിയതായി ശ്രദ്ധിച്ചതായും. തുടർന്ന് ഒട്ടേറെ തവണ വിളിച്ചെങ്കിലും മുറി തുറക്കാത്തതിനാൽ സുഹൃത്തുക്കൾ കതക് തല്ലി തകർത്തുകൊണ്ട് അകത്ത് കയറുകയായിരുന്നുവെന്നും. അപ്പോൾ മുറിയിലെ ഫാനിൽ തൂങ്ങി നിൽക്കുന്ന വിഷ്ണുവിനെ കണ്ടു എന്നുമാണ് സുഹൃത്തുക്കളുടെ മൊഴിയെ ഉദ്ധരിച്ച് പത്രങ്ങൾ റിപ്പോർട്ട് ചെയ്തിരിക്കുന്നത്. ഒപ്പം ബിഷ്ണു ഹോസ്റ്റലിൽ നിന്ന് ഭക്ഷണം കഴിക്കുകയില്ലായിരുന്നു എന്നും പുറത്തുനിന്ന് ഭക്ഷണം ഓർഡർ ചെയ്ത് കഴിക്കുകയാണ് പതിവെന്നും ഇതിനാലാണ് ഭക്ഷണം കഴിക്കാനായി കാന്റീരിലേക്ക് വരാതിരുന്ന കാര്യം ശ്രദ്ധിക്കാഞ്ഞതെന്നും സുഹൃത്തുക്കൾ നൽകിയ മൊഴിയിൽ പറയുന്നു. 

ഇതോടൊപ്പം ആണ് ബിഷ്ണുവിന്റെ അച്ഛൻ മരിച്ചതായുള്ള തെറ്റായ വിവരം കൂടി സുഹൃത്തുക്കൾ പോലീസിനോട് പങ്കുവെച്ചത്. തന്റെ പിതാവ് മരിച്ചതായി ബിഷ്ണു പറഞ്ഞതായാണ് കൂട്ടുകാർ പറഞ്ഞിരിക്കുന്നത്. ഈ മൊഴിയാണ് വൻ ദുരൂഹത ഉണർത്തുന്നത്.