കൊല്ലത്ത് കെഎസ്ആർടിസി ബസിടിച്ച് സ്കൂട്ടർ യാത്രക്കാരിക്ക് ദാരുണാന്ത്യം!, അപകടം നിയന്ത്രണം നഷ്ടപ്പെട്ട സ്കൂട്ടറിൽ നിന്ന് യുവതി റോഡിലേക്ക് തെറിച്ച് വീണപ്പോൾ, അപകടമുണ്ടായത് ചിന്നക്കട നഗരമധ്യത്തിൽ

കൊല്ലം : ചിന്നക്കടയില്‍ കെഎസ്‌ആർടിസി ബസിടിച്ച്‌ സ്കൂട്ടർ യാത്രക്കാരിക്ക് ദാരുണാന്ത്യം. പട്ടത്താനം സ്വദേശിനി സ്മിത(48)യാണ് മരിച്ചത്. 

ചിന്നക്കട ഓവർബ്രിഡ്ജിന് സമീപം രാവിടെ 10 മണിയോടെയായിരുന്നു അപകടം. നിയന്ത്രണം നഷ്ടപ്പെട്ട് സ്കൂട്ടറില്‍ നിന്ന് വീണ സ്മിതയുടെ ദേഹത്തുകൂടി ബസ് കയറിയിറങ്ങുകയായിരുന്നു. 

കെ.എസ്. എഫ്. ഇ വടയാറ്റുകോട്ട ബ്രാഞ്ചിലെ ജീവനക്കാരിയാണ് മരിച്ച സ്മിത. പൊലീസ് സ്ഥലത്തെത്തി നടപടികള്‍ പൂർത്തീകരിച്ചു വരികയാണ്. മൃതദേഹം ആശുപത്രിയിലേക്ക് മാറ്റി. പോസ്റ്റ്മോർട്ടത്തിന് ശേഷം കുടുംബത്തിന് വിട്ടുനല്‍കും.