യുഎസ് - അയര്‍ലന്‍ഡ് പോരാട്ടം മഴ മുടക്കി!, ഈ വര്‍ഷത്തെ ടി20 ലോകകപ്പില്‍ തുടർച്ചയായ തോൽവിയ്ക്ക് പിന്നാലെ പാകിസ്ഥാൻ പുറത്തായി, ആവേശകരമായ മത്സരത്തിന് ശേഷം ഇനി അടുത്ത റൗണ്ടിലേക്ക് അവശേഷിക്കുക രണ്ട് ടീമുകൾ മാത്രം

ഫ്‌ളോറിഡ : പാകിസ്ഥാന്‍ ടി20 ലോകകപ്പിന്റെ സൂപ്പര്‍ എട്ട് കാണാതെ പുറത്ത്. യുഎസ് – അയര്‍ലന്‍ഡ് മത്സരം മഴ മുടക്കിയതോടെയാണ് പാകിസ്ഥാന്‍ പുറത്താവുന്നത്. അയര്‍ലന്‍ഡിനെതിരെ ശേഷിക്കുന്ന ശേഷിക്കുന്ന മത്സരം ജയിച്ചാല്‍ പോലും പാകിസ്ഥാന് യുഎസിനെ മറികടക്കാനാവില്ല. ഗ്രൂപ്പ് ഘട്ടം പൂര്‍ത്തിയാക്കിയ യുഎസിന് അഞ്ച് പോയിന്റാണുള്ളത്. ഒരു മത്സരം ശേഷിക്കെ പാകിസ്ഥാന് രണ്ട് പോയിന്റും. അയര്‍ലന്‍ഡിനെതിരായ നാളത്തെ മത്സരം ജയിച്ചാലും പാകിസ്ഥാന് പരമാവധി 4 പോയിന്റേ നേടാനാകൂ.

മൂന്ന് മണിക്കൂറോളം കാത്തുനിന്ന ശേഷം ആണ് അംപയര്‍മാര്‍ തീരുമാനം പ്രഖ്യാപിച്ചത്. ഇതോടെ അമേരിക്ക ചരിത്രം കുറിച്ച് ലോകകപ്പിന്റെ സൂപ്പര്‍ എട്ടില്‍ സ്ഥാനം ഉറപ്പിച്ചു. അമേരിക്കയോടും ഇന്ത്യയോടും തോറ്റതാണ് പാകിസ്ഥാന് തിരിച്ചടിയായത്. ഫ്‌ലോറിഡയില്‍ 20വരെ മഴ തുടരുമെന്നതിനാല്‍ ഇന്ന് നടക്കേണ്ട ഇന്ത്യ-കാനഡ മത്സരവും വെള്ളത്തിലാകുമെന്നാണ് കരതുന്നത്. കഴിഞ്ഞ കുറച്ചുദിവസങ്ങളിലായി മത്സരവേദിയായ ഫ്‌ലോറിഡയിലെ ഫോര്‍ട്ട് ലൗഡര്‍ഡെയിലും പരിസര പ്രദേശങ്ങളും പ്രളയസമാനമായ സാഹചര്യത്തെയാണ് നേരിടുന്നത്.

ഇന്ത്യയും പാകിസ്താനും കാനഡയും അയർ‌ലൻഡും ഉൾപ്പെടുന്ന ​ഗ്രൂപ്പ് എയിലാണ് അമേരിക്ക. കളിച്ച മൂന്ന് മത്സരങ്ങൾ വിജയിച്ച ഇന്ത്യയും ​ഗ്രൂപ്പിൽ നിന്ന് സൂപ്പർ എട്ട് ഉറപ്പിച്ചിട്ടുണ്ട്. ഇതോടെ അയർലൻഡിനെതിരായ അവസാന മത്സരം വിജയിച്ചാൽ പാകിസ്താന് സൂപ്പർ എട്ടിൽ കടക്കാൻ കഴിയില്ല. മൂന്ന് മത്സരങ്ങൾ പൂർത്തിയാകുമ്പോൾ ബാബർ അസമിനും സംഘത്തിനും ഒരു വിജയം മാത്രമാണുള്ളത്.​ഗ്രൂപ്പ് എയിൽ അയർലൻഡ്, കാനഡ ടീമുകളും പുറത്തായി. അമേരിക്ക സൂപ്പർ എട്ട് ഉറപ്പിച്ചതോടെ ട്വന്റി 20 ലോകകപ്പിന്റെ രണ്ടാം റൗണ്ട് ഉറപ്പിക്കുന്ന ടീമുകളുടെ എണ്ണം ആറായി. അതായത് ഇനി രണ്ട് ടീമുകൾക്ക് മാത്രമാണ് അടുത്ത റൗണ്ടിലേക്ക് കടക്കാൻ കഴിയുക. ഈ സ്ഥാനത്തിയായി ഇം​ഗ്ലണ്ട്, സ്കോട്ട്ലാൻഡ്, ബംഗ്ലാദേശ്, നെതർലാൻഡ് ടീമുകളാണ് മത്സരിക്കുന്നത്. ഇന്ത്യ, ഓസ്ട്രേലിയ, ദക്ഷിണാഫ്രിക്ക, അഫ്ഗാനിസ്ഥാൻ, വെസ്റ്റ് ഇൻഡീസ്, അമേരിക്ക ടീമുകൾ രണ്ടാം റൗണ്ടിലെത്തി.