കേരളത്തിൽ ചരിത്രം സൃഷ്ടിച്ച ലെസ്ബിയൻ ട്രാൻസ് ജോഡികൾ വേർപിരിഞ്ഞു, കാരണം ഇതാണ്

കേരളത്തിലെ ആദ്യത്തെ ലെസ്ബിയൻ ട്രാൻസ് ജോഡികൾ ആയിരുന്നു ശ്രുതി സിത്താര, ദയാ ഗായത്രി എന്നിവർ. ഇവർ വേർപിരിഞ്ഞിരിക്കുകയാണ് എന്ന വാർത്തകളാണ് ഇപ്പോൾ പുറത്തുവരുന്നത്. ഒന്നിച്ചു മുന്നോട്ടു പോകാൻ പറ്റാത്ത സാഹചര്യം ഉണ്ടായപ്പോൾ ആണ് വേർപിരിയാൻ തീരുമാനിച്ചത് എന്നാണ് ശ്രുതി അറിയിക്കുന്നത്. അതേസമയം ദയ മറ്റൊരു ബന്ധവുമായി മുന്നോട്ടു പോകുന്നുണ്ട് എന്നും തനിക്ക് ഇപ്പോൾ പുതിയ ഒരു ബന്ധത്തിലേക്ക് കടക്കുവാൻ താല്പര്യമില്ല എന്നും ശ്രുതി പറയുന്നു. അടുത്തിടെ നൽകിയ ഒരു അഭിമുഖത്തിലാണ് ശ്രുതി ഈ കാര്യങ്ങൾ എല്ലാം തന്നെ വെളിപ്പെടുത്തിയത്.

“പ്രണയം എന്ന കാര്യത്തിൽ എനിക്കുള്ള വിശ്വാസം ഒരിക്കലും വിവാഹത്തിൽ ഉണ്ടായില്ല. ഇനി ഭാവിയിൽ ഉണ്ടാവുകയാണെങ്കിൽ തന്നെ ലിവിങ് ടുഗേറ്റർ ആയിരിക്കും തിരഞ്ഞെടുക്കുക. എൻറെ മനസ്സിൽ ഇപ്പോൾ ഒരു വ്യക്തിയുമില്ല. മുൻപത്തെ പങ്കാളിയുമായി ഞാൻ വേർപിരിഞ്ഞു. ഞാൻ ആ സംഭവത്തിൽ നിന്നും ഇതുവരെ റിക്കവർ ആയിട്ടില്ല. ദയ ഇപ്പോൾ മറ്റൊരു ബന്ധവുമായി മുന്നോട്ടു പോവുകയാണ്. ഒരുമിച്ചു പോകാൻ പറ്റില്ല എന്ന സാഹചര്യം വന്നപ്പോഴാണ് ബന്ധം വേർപിരിഞ്ഞത്” – ശ്രുതി പറയുന്നു.

“എനിക്കിപ്പോൾ മറ്റൊരു വ്യക്തിയെക്കുറിച്ച് ചിന്തിക്കാൻ പോലും പറ്റില്ല. ഇനിയൊരു ബന്ധത്തിലേക്ക് കടക്കുകയാണെങ്കിൽ അതിൽ തന്നെ നിൽക്കേണ്ടതായി വരും. അതുകൊണ്ട് ഇപ്പോൾ കരിയറിനെ കുറിച്ച് ചിന്തിക്കുന്നതാണ് നല്ലത് എന്നാണ് ഞാൻ കരുതുന്നത്. നമ്മൾ ഒരു ബന്ധത്തിലേക്ക് കടന്നാൽ അതാണ് ലോകം എന്നു കരുതി ഇരിക്കും. അങ്ങനെ ഒരു ബന്ധത്തിലേക്ക് പോയാൽ ഭാവി അവിടെ കളയേണ്ടി വരും” – ശ്രുതി കൂട്ടി ചേർക്കുന്നു.

“എല്ലാ ജനറൽ ഉള്ളവർക്കും പ്രണയത്തിൽ കൺഫ്യൂഷൻ ഉണ്ടാവാം. അതുപോലെ തന്നെ ക്യുർ വ്യക്തികൾക്കും ഉണ്ടാവുക സ്വാഭാവികമാണ്. പ്രണയം എന്നത് ഒരു വ്യക്തിക്ക് മറ്റൊരു വ്യക്തിയോട് തോന്നുന്ന ഒരു വികാരമാണ്. അത് ഏതൊരു സെക്ഷവാലിറ്റി ഉള്ളവർക്കും മറ്റൊരു വ്യക്തിയോട് തോന്നിയേക്കാം” – താരം കൂട്ടിച്ചേർക്കുന്നു. 2022 വർഷത്തിലായിരുന്നു ഇരുവരും ഔദ്യോഗികമായി പ്രണയത്തിലാണ് എന്ന് വെളിപ്പെടുത്തിയത്. അങ്ങനെ കേരളത്തിലെ ആദ്യത്തെ ലെസ്ബിയൻ ട്രാൻസ്ജെൻഡർ ജോഡികൾ ഇവരായി മാറുകയായിരുന്നു.