എന്‍ഡിഎയ്ക്ക് ആദ്യ പ്രഹരം ടിഡിപിയില്‍ നിന്നോ; തെ​ലു​ങ്കാ​ന മു​ഖ്യ​മ​ന്ത്രിയെ ചര്‍ച്ചയ്ക്ക് ക്ഷണിച്ച് നാ​യി​ഡു

കേവല ഭൂരിപക്ഷമില്ലാതെ കേന്ദ്രഭരണം തുടരുന്ന ബിജെപിക്ക് ആദ്യ പ്രഹരം ആ​ന്ധ്ര മു​ഖ്യ​മ​ന്ത്രി ച​ന്ദ്ര​ബാ​ബു നാ​യി​ഡുവില്‍ നിന്നാകുമോ? എന്‍ഡിഎയില്‍ ആശങ്കയുണ്ടാകുന്ന നീക്കമാണ് നായിഡു നടത്തുന്നത്. തെ​ലു​ങ്കാ​നയിലെ കോണ്‍ഗ്രസ് മു​ഖ്യ​മ​ന്ത്രിയായ രേ​വ​ന്ത് റെ​ഡ്ഡി​യെ കൂ​ടി​ക്കാ​ഴ്ച​യ്ക്ക് ക്ഷ​ണിച്ചിട്ടുണ്ട്. ജൂ​ലൈ​യ് ആ​റി​ന് ഹൈ​ദ​രാ​ബാ​ദി​ൽ വ​ച്ച് കാ​ണ​ണ​മെ​ന്ന് ആ​വ​ശ്യ​പ്പെ​ട്ടാ​ണ് ക​ത്ത് അ​യ​ച്ച​ത്.

ലോക്സഭാ സ്പീക്കര്‍ സ്ഥാനം ടിഡിപി ആവശ്യപ്പെട്ടെങ്കിലും ബിജെപി നല്‍കിയില്ല. കഴിഞ്ഞ തവണ സ്പീക്കറായ ഓംബിര്‍ലയെ തന്നെയാണ് വീണ്ടും സ്പീക്കര്‍ ആക്കിയത്. ഇതില്‍ നായിഡുവിന് നീരസമുണ്ടെന്നാണ് സൂചന. ഈ പ്രശ്നം നിലനില്‍ക്കുമ്പോള്‍ തന്നെയാണ് രേ​വ​ന്ത് റെ​ഡ്ഡി​യെ കൂ​ടി​ക്കാ​ഴ്ച​യ്ക്ക് ക്ഷണിക്കുന്നത്.

പഴയ ടിഡിപിക്കാരനാണ് റെഡ്ഡി. ഇരു സംസ്ഥാനങ്ങളും തമ്മില്‍ സഹകരണം വേണമെന്ന് ആവശ്യപ്പെട്ടാണ് നായിഡു കത്ത് അയച്ചതെങ്കിലും കൂടിക്കാഴ്ചയെ ബിജെപി നേതൃത്വം ഉറ്റുനോക്കുകയാണ്. കേവല ഭൂരിപക്ഷമില്ലാത്തതിനാല്‍ ടിഡിപിയേയും ജെഡിയുവിനെയും ആശ്രയിച്ചാണ്‌ ബിജെപി കേന്ദ്രഭരണം തുടരുന്നത്.