കൊല്ലത്ത് യുവതി കല്ലടയാറ്റിൽ ചാടി ജീവനൊടുക്കി...!, മരിച്ചത് 36 കാരിയായ യുവതി

കൊല്ലം : കൊല്ലത്ത് പുനലൂരിൽ യുവതി കല്ലടയാറ്റിൽ ചാടി ജീവനൊടുക്കി. പുനലൂർ പ്ലാച്ചേരി മുറിയന്തല അഭി മന്ദിരത്തിൽ രതീഷിന്റെ ഭാര്യ ഹണി (36) ആണ് മരിച്ചത്. ഇവർ പുനലൂർ തൂക്കുപാലത്തിൽ നിന്നും കല്ലടയാറ്റിലേക്ക് ചാടുകയായിരുന്നു.

 

ഏറെ നേരത്തെ പരിശ്രമത്തിനൊടുവിൽ യുവതിയുടെ മൃതദേഹം പുറത്തെടുത്തെങ്കിലും ചെയ്ത യുവതിയെ തിരിച്ചറിഞ്ഞിട്ടിലായിരുന്നു. ഇന്ന് രാവിലെ 10.45ന് പുനലൂർ തൂക്കുപാലത്തിൽ നിന്നാണ് യുവതി ചാടിയത്. അഗ്നിശമനസേന നടത്തിയ തിരച്ചിലിൽ മൃതദേഹം കണ്ടെടുത്തു. മൃതദേഹം പുനലൂർ താലൂക്ക് ആശുപത്രി മോർച്ചറിയിൽ ആണ്. ഹണിക്ക് രണ്ട് മക്കൾ ഉണ്ട്. ഭർത്താവ് രതീഷ് വിദേശത്താണ്.