കൊട്ടാരക്കര നിയോജകമണ്ഡലത്തിലെ വിദ്യാർഥി പ്രതിഭകളെ അനുമോദിച്ചു...!, ആഗോള മാറ്റങ്ങൾക്കനുസൃതമായി സംസ്ഥാന വിദ്യാഭ്യാസ മേഖലയും കുതിക്കുന്നതായി മന്ത്രി കെ.എൻ ബാല​ഗോപാൽ, ധനമന്ത്രിക്കൊപ്പം വേദി പങ്കിട്ട് സന്തോഷ് ജോർജ് കുളങ്ങര

ശാസ്ത്ര സാങ്കേതിക രംഗത്തെ പുരോഗതിയിലൂടെ ലോകത്തു വന്ന മാറ്റങ്ങൾക്കൊപ്പം സംസ്ഥാനത്തെ വിദ്യാഭ്യാസ മേഖലയും കുതിക്കുകയാണെന്ന് ധനകാര്യ മന്ത്രി കെ എൻ ബാലഗോപാൽ . വിവിധ പരീക്ഷകളിൽ ഉന്നതവിജയം നേടിയ കൊട്ടാരക്കര നിയോജകമണ്ഡലത്തിലെ വിദ്യാർഥി പ്രതിഭകളെ കൊട്ടാരക്കര മാർത്തോമ്മ ജൂബിലി മന്ദിര മൈതാനിയിൽ നടന്ന അനുമോദന സമ്മേളനത്തിൽ മന്ത്രി അനുമോദിച്ചു .പുരസ്‌കാരത്തിന്റെ മൂന്നാം പതിപ്പാണ് ഇത്. 

തൊഴിൽ കണ്ടെത്താൻ സഹായിക്കുന്ന പഠന രീതികൾക്കൊപ്പം മറ്റുള്ളവർക്ക് തൊഴിൽ നൽകാൻ കഴിയുന്ന മികച്ച സംരഭകരെ വാർത്തെടുക്കാൻ കഴിയുന്ന തരത്തിൽക്കൂടി വിദ്യാഭ്യാസ രം​ഗത്ത് പരിഷ്കരണങ്ങൾ വന്നുകഴിഞ്ഞു. നൂതന ആശയങ്ങളും മനുഷ്യന്റെ ആവശ്യങ്ങളും തിരിച്ചറിയുന്ന സംരംഭങ്ങൾ കേരളത്തിൽ വർദ്ധിച്ചുവരുന്നതോടെ സംസ്ഥാനത്തിന്റെ സാമ്പത്തിക നില മെച്ചപ്പെടുമെന്നും അദ്ദേഹം പറഞ്ഞു. സംസ്ഥാന പ്ലാനിം​ഗ് ബോർഡം​ഗം സന്തോഷ് ജോർജ്ജ് കുളങ്ങര മുഖ്യാതിഥിയായി.

.ഗവേഷണ ബിരുദം നേടിയവരും, യൂണിവേഴ്‌സിറ്റി പരീക്ഷകളിൽ റാങ്ക് കരസ്ഥമാ ക്കിയവരുമായ പതിനഞ്ചുപേരും, എസ്എസ്എൽസി, ഹയർസെക്കൻഡറി പരീക്ഷകളിൽ എല്ലാ വിഷയത്തിനും എ പ്ലസും,സിബിഎസ്ഇ, ഐസിഎസ്ഇ പരീക്ഷ കളിൽ ഉയർന്ന മാർക്ക് വാങ്ങി വിജയിച്ച 1763 വിദ്യാർഥികളേയുമാണ് ചടങ്ങിൽ അനുമോദിച്ചത്. കേരള ഡിജിറ്റൽ യൂണിവേഴ്സിറ്റി വൈസ് ചാൻസിലർ സജി ​ഗോപിനാഥ്, കേരള ടെക്നിക്കൽ യൂണിവേഴ്സിറ്റി മുൻ പ്രോ.വൈസ് ചാൻസിലർ എസ് അയൂബ്, കേരള സ്റ്റാർട്ടപ്പ് മിഷൻ ചീഫ്എക്സിക്യൂട്ടീവ് ഓഫീസർ അനൂപ് അംബിക എന്നിവർ. മുനിസിപ്പൽ ചെയർമാൻ എസ് ആർ രമേശ്, സംഘാടകസമിതി കൺവീനർ പി കെ ജോൺസൺ ,തദ്ദേശ സ്വയംഭരണ പ്രതിനിധികൾ തുടങ്ങിയവർ പങ്കെടുത്തു.