വീട്ടില്‍ കളിക്കാനെത്തിയ മൂന്ന് വയസുകാരിയെ ബലാത്സംഗത്തിന് ഇരയാക്കി!, ഒളിവില്‍ പോയ 23 കാരൻ ഒടുവിൽ പിടിയിലായതായി പോലീസ്, അക്രമം മദ്യലഹരിയിൽ

ഡല്‍ഹി : മൂന്ന് വയസ്സുള്ള പെണ്‍കുട്ടിയെ ബലാത്സംഗം ചെയ്ത യുവാവ് പിടിയില്‍. ഒഡീഷയിലെ ഭുവനേശ്വറിലാണ് സംഭവം. സംഭവത്തിന് ശേഷം ഒളിവില്‍ പോയ 23 കാരനായ സന്തോഷ് ഖുന്തിയയെ പോലീസ് അറസ്റ്റ് ചെയ്തു.

കുട്ടി പ്രതിയുടെ വീട്ടില്‍ കളിക്കാനായി എത്തിയപ്പോഴാണ് സംഭവം. കുട്ടി വീട്ടിലെത്തിയപ്പോള്‍ ഖുന്തിയയുടെ വീട്ടില്‍ മറ്റാരും ഉണ്ടായിരുന്നില്ലെന്നാണ് പോലീസ് പറയുന്നത്.

മദ്യലഹരിയിലായിരുന്ന സന്തോഷ് ഖുന്തിയ മൂന്ന് വയസ്സുള്ള കുട്ടിയെ ലൈംഗികമായി പീഡിപ്പിക്കുകയായിരുന്നു. പെണ്‍കുട്ടി വീട്ടില്‍ തിരിച്ചെത്താത്തതിനെ തുടര്‍ന്ന് വീട്ടുകാര്‍ തിരച്ചില്‍ നടത്തിയതിനെ തുടര്‍ന്നാണ് ജീവനോടെ രക്ഷപ്പെടുത്തിയതെന്ന് ഭുവനേശ്വര്‍ ഡിസിപി പ്രതീക് സിംഗ് പറഞ്ഞു. കുട്ടിയെ ഗുരുതരാവസ്ഥയില്‍ അടുത്തുള്ള ആശുപത്രിയില്‍ പ്രവേശിപ്പിച്ചു.

വീട്ടുകാര്‍ വിവരമറിയിച്ചതിനെ തുടര്‍ന്ന് പ്രത്യേക പോലീസ് സംഘം സ്ഥലത്തെത്തുകയും പ്രതിയെ കണ്ടെത്തി 24 മണിക്കൂറിനുള്ളില്‍ പിടികൂടുകയും ചെയ്തു.

ഡ്രൈവറായി ജോലി ചെയ്യുന്ന പ്രതി ഇരയുടെ അമ്മയെ ഭീഷണിപ്പെടുത്തിയതായും കണ്ടെത്തി. ഫോറന്‍സിക് സംഘത്തിന് നിര്‍ണായക തെളിവുകള്‍ ലഭിച്ചിട്ടുണ്ടെന്നും അന്വേഷണം പുരോഗമിക്കുകയാണെന്നും പോലീസ് പറഞ്ഞു.