പന്ത്രണ്ട് വയസുകാരനെ റെയിൽവേ ട്രാക്കിൽ കെട്ടിയിട്ട് മർദ്ദനത്തിനിരയാക്കി...!, ആൾക്കൂട്ടം കുട്ടിയെ ക്രൂരമായി തല്ലിയത് ക​ട​യി​ൽ​ നി​ന്ന് കുട്ടി സാ​ധ​ന​ങ്ങ​ൾ മോ​ഷ്ടി​ച്ചെ​ന്നാ​രോ​പിച്ച്, കുട്ടിയെ രക്ഷപ്പെടുത്തിയത് പോലീസ്

സ്വന്തം ലേഖകൻ 

പാ​ട്ന : പന്ത്രണ്ട് വയസുകാരനെ റെയിൽവേ ട്രാക്കിൽ കെട്ടിയിട്ട് ആളുകൾ മർ​ദ്ദിച്ചു. ബിഹാറിലെ ബ​ഗുസാരിയിലാണ് സംഭവം. മോഷണക്കുറ്റം ആരോപിച്ചാണ് കുട്ടിയെ മർദ്ദിച്ചത്. ആളുകൾ‌ ചേർന്ന് കുട്ടിയെ തല്ലുന്നതിന്റെ ദൃശ്യങ്ങൾ പുറത്തുവന്നിട്ടുണ്ട്. ലക്മിനിയ റെയിൽവേ സ്റ്റേഷന് സമീപമുള്ള ട്രാക്കിൽ കെട്ടിയിട്ടിരിക്കുന്ന കുട്ടിയുടെ സമീപം ഒരാൾ വടിയുമായി നിൽക്കുന്നത് ദൃശ്യങ്ങളിൽ കാണാം. ക​ട​യി​ൽ​ നി​ന്ന് കുട്ടി സാ​ധ​ന​ങ്ങ​ൾ മോ​ഷ്ടി​ച്ചെ​ന്നാ​രോ​പി​ച്ചാ​ണ് മ​ർ​ദ്ദ​ന​മെ​ന്നാ​ണ് പ്രാഥമിക നി​ഗമനം. ഒ​രു​കൂ​ട്ടം ആ​ളു​ക​ൾ ചേ​ർ​ന്ന് കു​ട്ടി​യെ പി​ടി​കൂ​ടി റെ​യി​ൽ​വേ ട്രാ​ക്കി​ൽ എ​ത്തി​ച്ച് കെ​ട്ടി​യി​ട്ട് മ​ർദ്ദിക്കു​ക​യാ​യി​രു​ന്നു. പോലീസ് എത്തിയാണ് പന്ത്രണ്ടുകാരനെ രക്ഷിച്ചത്.