റോഡിലിറങ്ങിയ ഒറ്റയാൻ ഇന്നോവ കാർ തകർത്തു...!, യാത്രക്കാർ രക്ഷപ്പെട്ടതായി അത്ഭുതകരമായി, ഒറ്റയാന്റെ ആക്രമണത്തിൻ്റെ ദൃശ്യങ്ങൾ ഭീകരം

കാലടി : കാലടി പ്ലാൻ്റേഷൻ 12 -ാം ബ്ലോക്കിൽ കല്ലാല എസ്റ്റേറ്റിൽ റോഡിലിറങ്ങിയ ഒറ്റയാൻ ഇന്നോവ കാർ തകർത്തു.

ഞായറാഴ്ച്ച രാത്രി 10 മണിയോടെയായിരുന്നു സംഭവം. കല്ലാല എസ്റ്റേറ്റ് കുളിരാംതോട് ഭാഗത്ത് വച്ചായിരുന്നു കാട്ടാനയുടെ ആക്രമണം ഉണ്ടായത്.

റോഡിൽ ആനയെ കണ്ട് യാത്രക്കാർ നിർത്തി. തുടർന്ന് കാട്ടാന കാറിൻ്റെ മുൻഭാഗം പൂർണമായി തകർത്തു.

ഉടനെ യാത്രക്കാർ കാർ മുന്നോട്ടെടുത്ത് രക്ഷപെടുകയായിരുന്നു. 3 പേരാണ് കാറിൽ ഉണ്ടായിരുന്നത്.

ജോയ്, ബേസിൽ, ജോസ് എന്നിവരാണ് കാറിൽ ഉണ്ടായിരുന്നത്. ആർക്കും പരിക്കുകളില്ല. ഇതിന് സമീപത്താണ് കഴിഞ്ഞ ഒരാഴ്ച്ച മുമ്പ് സ്കൂട്ടറിൽ സഞ്ചരിക്കുകയായിരുന്ന ദമ്പതികളെ കാട്ടാന

ആക്രമിച്ചത്. പ്രദേശത്ത് കാട്ടാനയുടെ ശല്യം രൂക്ഷമാണെന്ന് നാട്ടുകാർ പറയുന്നു.