കൊല്ലത്ത് യുവാവിനെ കൊലപ്പെടുത്താൻ ശ്രമിച്ചയാൾ പിടിയിൽ...!, ശക്തികുളങ്ങര ഹാർബറിൽ അക്രമം നടന്നത് തർക്കത്തിനിടെ, യുവാവ് ഗുരുതര പരിക്കുകളോടെ ചികിത്സയിൽ

കൊല്ലം : യുവാവിനെ കുത്തി കൊലപ്പെടുത്താൻ ശ്രമിച്ചയാൾ പൊലീസ് പിടിയിലായി. ആലപ്പുഴ പത്തിയൂർ, നഗരൂർചിറയിൽ രാജീവ് (41) ആണ് ശക്തികുളങ്ങര ഹാർബറിൽ യുവാവിനെ കുത്തിക്കൊലപ്പെടുത്താൻ ശ്രമിച്ചതോടെയാണ്‌ ഇയാൾ  ശക്തികുളങ്ങര പോലീസിന്റെ പിടിയിലായത്. ശക്തികുളങ്ങര സ്വദേശിയായ പ്രദീപിനെയാണ് ഇയാൾ കുത്തിപ്പരിക്കേൽപ്പിച്ചത്. കഴിഞ്ഞ ബുധനാഴ്ച രാത്രി ഒൻപതുമണിയോടെയാണ് സംഭവം. 

ഇരുവരും മത്സ്യത്തൊഴിലാളികളാണ്. ജോലികഴിഞ്ഞ് പണം വാങ്ങി വീതിച്ചെടുത്തപ്പോഴുണ്ടായ തർക്കം അക്രമത്തിൽ കലാശിച്ചു. തുടർന്ന് രാജീവ് കൈയിലുണ്ടായിരുന്ന കത്തികൊണ്ട്‌ പ്രദീപിന്റെ തലയിൽ കുത്തുകയായിരുന്നു. ഗുരുതരമായി പരിക്കേറ്റ പ്രദീപ് തീവ്രപരിചരണവിഭാഗത്തിൽ ചികിത്സയിലാണ്. സംഭവത്തിനുശേഷം ഒളിവിൽ പോയ പ്രതിയെ കണ്ണൂരിൽനിന്നാണ് പിടികൂടിയത്. ശക്തികുളങ്ങര പോലീസ് ഇൻസ്പെക്ടർ രതീഷിന്റെ നിർദേശാനുസരണം എ.എസ്.ഐ. രാജേഷ്, എസ്.സി.പി.ഒ.മാരായ അബു താഹിർ, ശ്രീകാന്ത് എന്നിവർ ചേർന്നാണ് പ്രതിയെ പിടികൂടിയത്.