പുത്തൂർ എസ്.ഐ ജയേഷിന് അനുമോദനങ്ങളുമായി നാട്...!, സ്വന്തം ജീവൻ മറന്ന് കിണറ്റിൽ ചാടി വയോധികയെ രക്ഷിച്ച മനസ്സിന് നന്ദി പറഞ്ഞ് നാട്ടുകാർ

പുത്തൂർ : കിണറ്റിൽവീണ വെണ്ടാർ സ്വദേശിയായ രാധമ്മയെ (74) സാഹസികമയി രക്ഷിച്ച പുത്തൂർ എസ്.ഐ. ടി.ജെ.ജയേഷിന് അഭിനന്ദന പ്രവാഹം.

കോൺഗ്രസ് കുളക്കട മണ്ഡലം കമ്മിറ്റിയുടെ അഭിനന്ദനം കെ.വി.അനിൽ നിർവഹിച്ചു. ഡി.സി.സി. ജനറൽ സെക്രട്ടറി പാത്തല രാഘവൻ, യു.ഡി.എഫ്. ചെയർമാൻ പൂവറ്റൂർ സുരേന്ദ്രൻ, കലയപുരം എൻ.ശിവൻ പിള്ള, രാഹുൽ പെരുങ്കുളം, മോഹൻലാൽ, ഒ.വർഗീസ്, കൃഷ്ണകുമാർ, ശ്രീകുമാർ, അഭിലാഷ് കുറ്ററ എന്നിവർ പങ്കെടുത്തു.

തെക്കുംചേരി ദേവി കുടുംബശ്രീ പ്രവർത്തകർ ടി.ജെ.ജയേഷിനെ ആദരിച്ചു. വാർഡ് അംഗം സന്തോഷ്‌കുമാർ പൊന്നാടയണിയിച്ചു.

തേവലപ്പുറം ബാപ്പുജി സ്മാരക വായനശാലയും ഒട്ടേറെ സാംസ്കാരികസംഘടനകളും ആദരിച്ചു.

അഗ്നിരക്ഷാസേന 2017 കൊട്ടാരക്കര ബാച്ച് എസ്.ഐ.യെ അനുമോദിച്ചു. പത്തനാപുരം സ്റ്റേഷൻ ഓഫീസർ ശിവകുമാർ, ഷാജുദ്ദീൻ, ജയകുമാർ, മനോജ് എന്നിവർ പ്രസംഗിച്ചു.