കൊല്ലത്ത് സ്വകാര്യ ബസുകളിൽ മോട്ടോർ വാഹന വകുപ്പിന്റെ മിന്നൽപരിശോധന...!, കുണ്ടറയിൽ 16 ബസുകൾക്കെതിരേ നടപടി തുടങ്ങി മോട്ടോർ വാഹന വകുപ്പ്, നടപടി തുടരുംമ്പോഴും സ്വകാര്യ ബസുകളുടെ മരണപ്പാച്ചിലിന് 'അമിതവേഗം'

കൊല്ലം : സ്വകാര്യ ബസുകളിൽ കഴിഞ്ഞ ദിവസം മോട്ടോർ വാഹന വകുപ്പ് കുണ്ടറയിൽ നടന്ന പരിശോധനയിൽ കണ്ടെത്തിയത് ഗുരുതര കുറ്റകൃത്യങ്ങൾ. കൊല്ലം ആർ.ടി.ഒ.യുടെ നിർദേശപ്രകാരം പ്രത്യേക സ്ക്വാഡിലെ ഉദ്യോഗസ്ഥർ ശനിയാഴ്ചയാണ് പരിശോധന നടത്തിയത്. മിന്നൽപ്പരിശോധനയിൽ 16 ബസുകൾക്കെതിരേ നടപടികൾ സ്വീകരിച്ചതായി മോട്ടോർ വാഹന വകുപ്പ് ഉദ്യോഗസ്ഥർ വ്യക്തമാക്കി. 10 സ്വകാര്യ ബസുകൾക്കെതിരെ ലൈസൻസ് ഇല്ലാത്ത കണ്ടക്ടർ നിയന്ത്രിച്ചതിനും വേഗപ്പൂട്ടുകൾ വിച്ഛേദിച്ച് ഓടിച്ചതിന് ആറ് ബസുകൾക്കെതിരേയും  വകുപ്പ് നടപടിയെടുത്തു. യൂണിഫോമും ബാഡ്ജും ധരിക്കാത്ത ജീവനക്കാർ നിയന്ത്രിക്കുന്ന ബസുകൾ, എയർ ഹോണും മ്യൂസിക് സിസ്റ്റവും ഉപയോഗിച്ച് ശബ്ദമലിനീകരണം നടത്തുന്ന ബസുകൾ തുടങ്ങിയവയ്ക്കെതിരേയാണ് നടപടികളെടുത്ത് വരുന്നത്.