സ്വകാര്യ എ.ടി.എം കൗണ്ടര്‍ കുത്തിത്തുറന്ന് മോഷണ ശ്രമം...!, മെഷീൻ ശക്തിയേറിയ ആയുധം ഉപയോഗിച്ച് കുത്തിത്തുറന്ന നിലയിൽ, പോലീസ് അന്വേഷണം

നെ​ടു​ങ്ക​ണ്ടം : കു​മ​ളി മൂ​ന്നാ​ര്‍ ഭാഗത്തെ സം​സ്ഥാ​ന പാ​ത​യി​ല്‍ നെ​ടു​ങ്ക​ണ്ട​ത്തി​ന​ടു​ത്ത് പാ​റ​ത്തോ​ട്ടി​ല്‍ എ.​ടി.​എം. മെ​ഷീ​ന്‍ കു​ത്തി​ത്തു​റ​ന്ന് പ​ണം മോ​ഷ്ടി​ക്കാ​ന്‍ ശ്ര​മം. പാ​റ​ത്തോ​ട് ടൗ​ണി​ല്‍ സ്ഥാ​പി​ച്ചി​രു​ന്ന സ്വ​കാ​ര്യ ക​മ്പ​നി​യു​ടെ എ.​ടി.​എം. മെ​ഷീ​ന്‍ കു​ത്തി​ത്തുറ​ക്കാ​നാ​ണ് നിലവിൽ ശ്ര​മം ന​ട​ന്ന​ത്. എന്നാൽ പ​ണം മോ​ഷ്ടി​ക്കാ​നാ​യി​ട്ടി​ല്ലെ​ന്നാ​ണ് എ.​ടി.​എം അ​ധി​കൃ​ത​ര്‍ പ​റ​യു​ന്ന​ത്.

സ്വകാര്യ എ.​ടി.​എം. മെ​ഷീ​നി​ന്‍റെ മു​ന്‍ഭാ​ഗം ശ​ക്തി​യേ​റി​യ ആ​യു​ധം ഉ​പ​യോ​ഗി​ച്ച് കു​ത്തിത്തുറ​ന്ന നി​ല​യി​ലാ​യി​രു​ന്നു. എ​ന്നാ​ല്‍ പ​ണം നി​ക്ഷേ​പി​ച്ച ലോ​ക്ക​ര്‍ ത​ക​ര്‍ക്കാ​ന്‍ മോഷ്ടാക്കൾക്ക് ക​ഴി​ഞ്ഞി​ല്ല. ചൊ​വ്വാ​ഴ്ച രാ​വി​ലെ പ​ണ​മെ​ടു​ക്കാ​ന്‍ എ​ത്തി​യ സ്ത്രീ​യാ​ണ് മോ​ഷ​ണ വി​വ​രം ആ​ദ്യ​മ​റി​ഞ്ഞ​ത്. തുടർന്ന് ഉടൻ തന്നെ എ.​ടി.​എം. ഫ്രാ​ഞ്ചൈ​സി എ​ടു​ത്ത് ന​ട​ത്തു​ന്ന ആ​ള്‍ ഉ​ടു​മ്പ​ന്‍ചോ​ല പൊ​ലീ​സി​നെ വി​വ​ര​മ​റി​യി​ക്കു​ക​യാ​യി​രു​ന്നു.

തി​ങ്ക​ളാ​ഴ്ച രാ​ത്രിയിൽ പ​തി​നൊ​ന്ന​ര​യോ​ടെ​യാ​കാം സം​ഭ​വ​മെ​ന്നാ​ണ് പൊ​ലീ​സ് നി​ഗ​മ​നം. അതേസമയം കൃ​ത്യം ന​ട​ക്കു​മ്പോ​ള്‍ സു​ര​ക്ഷ മു​ന്ന​റി​യി​പ്പ് സം​വി​ധാ​ന​ങ്ങ​ള്‍ പ്ര​വ​ര്‍ത്തി​ച്ചി​ല്ല. പ​ണം സൂ​ക്ഷി​ച്ചി​രി​ക്കു​ന്ന ലോ​ക്ക​ര്‍ ത​ക​ര്‍ക്കാ​ന്‍ ശ്ര​മി​ച്ചാ​ല്‍ മാ​ത്ര​മേ ഇ​ത് പ്ര​വ​ര്‍ത്തി​ക്കൂ എ​ന്നാ​ണ് എ.​ടി.​എം. ന​ട​ത്തി​പ്പു​കാ​ര്‍ പ​റ​യു​ന്ന​ത്. മോഷണ ശ്രമത്തിന് ര​ണ്ടു​ദി​വ​സം മു​മ്പാ​ണ് എ.​ടി.​എ​മ്മി​ല്‍ പ​ണം നി​റ​ച്ച​ത്. ഉ​ടു​മ്പ​ന്‍ചോ​ല പൊ​ലീ​സ് കേ​സെ​ടു​ത്തു അ​ന്വേ​ഷ​ണം ആ​രം​ഭി​ച്ചു. ഫോ​റ​ന്‍സി​ക്, വി​ര​ല​ട​യാ​ള വി​ദ​ഗ്ധ​ര്‍, ഡോ​ഗ് സ്‌​ക്വാ​ഡ് എ​ന്നി​വ​ര്‍ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. നിലവിൽ സ​മീ​പ​ത്തെ സി.​സി.​ടി.​വി. ദൃ​ശ്യ​ങ്ങ​ൾ ശേ​ഖ​രി​ച്ച് പ​രി​ശോ​ധന നടത്തുമെന്ന് പൊ​ലീ​സ് പ​റ​ഞ്ഞു.