ചവറയിലെ സ്റ്റുഡിയോയിൽ നിന്ന് എട്ടുലക്ഷം രൂപ വിലയുള്ള ക്യാമറ മോഷണം പോയി...!, കവർച്ചയിൽ പോലിസ് തെളിവെടുത്ത് അന്വേഷണം തുടങ്ങി

ചവറ : ചവറയിൽ സ്റ്റുഡിയോയിൽ നിന്ന് എട്ടുലക്ഷത്തി അറുപതിനായിരം രൂപ രൂപ വിലയുള്ള ക്യാമറ മോഷ്ടിച്ചു. ശങ്കരമം​ഗലത്ത് പ്രവർത്തിക്കുന്ന വിപിന്‍ മോഹന്റെ ഉടമസ്ഥതയിലുള്ള പ്രൈം സ്റ്റുഡിയോയിലാണ് കഴിഞ്ഞ ദിവസം പുലർച്ചെ മോഷണം നടന്നത്. 

മേശയില്‍ സൂക്ഷിച്ചിരുന്ന 5000രൂപയും നഷ്ടപ്പെട്ടു. സ്റ്റുഡിയോയുടെ ഷട്ടറിന്റെ പൂട്ട് തകർത്താണ് മോഷ്ടാവ് ഉള്ളിൽക്കടന്നത്. ചവറ പൊലീസും വിരലടയാള വിദഗ്ധരും ഡോഗ് സ്‌ക്വാഡും സ്ഥലത്തെത്തി പരിശോധന നടത്തി. നിരീക്ഷണ കാമറയിൽ വെള്ളവസ്ത്രം ധരിച്ച മോഷ്ടാവ് കമ്പിപ്പാരയുമായി കടയുടെ  ഉള്ളില്‍ നില്‍ക്കുന്നതിന്റെ ദൃശ്യങ്ങള്‍ കണ്ടെത്തിയിട്ടുണ്ട്.