%20(32).jpg "കൊല്ലത്ത് പ്ലസ് ടു വിദ്യാര്ത്ഥി അപകടത്തിൽ മരിച്ച സംഭവം; 18-കാരൻ്റെ മരണം എതിര്ദിശയില് നിന്ന് വന്ന സ്വകാര്യ ബസ്സിലേക്ക് ഇടിച്ചു കയറി; സുഹൃത്ത് ചികിത്സയിൽ")
കൊല്ലം : പുത്തൂരില് ബൈക്ക് സ്വകാര്യ ബസിലേക്ക് ഇടിച്ചുകയറി പ്ലസ് ടു വിദ്യാര്ത്ഥി മരിച്ചു. പുത്തൂർ, ഇടവട്ടം അജയഭവനിൽ ബിഎസ്എൻഎൽ ജീവനക്കാരനായ അജയൻ്റെയും, ജീനയുടെയും മകനായ അഭിനവാവ് (18) ആണ് മരിച്ചത്.
ഇന്ന് ഉച്ചയ്ക്ക് പുത്തൂർ - വല്ലഭൻ കരയ്ക്ക് സമീപമാണ് അപകടം ഉണ്ടായത്. അഭിനവും സുഹൃത്തും സഞ്ചരിച്ച ബൈക്ക് നിയന്ത്രണം വിട്ട് എതിര്ദിശയില് നിന്ന് വന്ന പുത്തൂർ - കുണ്ടറ - മുക്കട റൂട്ടിലോടുന്ന സെൻ്റ് ജോൺസ് എന്ന സ്വകാര്യ ബസിലേക്ക് ഇടിച്ചുകയറുകയായിരുന്നു.
രണ്ടുപേരെയും ഉടന് തന്നെ തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചെങ്കിലും അഭിനവിന്റെ ജീവന് രക്ഷിക്കാന് കഴിഞ്ഞില്ല. ഒപ്പമുണ്ടായ സുഹൃത്തിന്റെ നില ഗുരുതരമായി തുടരുകയാണ്.
