'ഷുഗറിനെ പിടിച്ചുകെട്ടാം, വണ്ണം കുറയ്ക്കാം'; വെണ്ടയ്ക്ക കീറിയിട്ട് വച്ച വെള്ളം കുടിച്ചാൽ ആരോഗ്യത്തിന് ഗുണകരം, ഇക്കാര്യങ്ങൾ അറിഞ്ഞിരിക്കാം

മഞ്ഞള്‍, പട്ട എന്നിവ ചേർത്തും, ചെറുനാരങ്ങാനീര്, ഉലുവ തുടങ്ങിയവ ചേർത്തുമെല്ലാം പലരും ആരോഗ്യപാനീയങ്ങൾ തയ്യാറാക്കുന്നു. ഇതുപോലെ തന്നെ, വെണ്ടയ്ക്ക കുതിർത്തിയ വെള്ളം പതിവായി കുടിക്കുന്നത് ആരോഗ്യത്തിന് ഏറെ ഗുണകരമാണെന്ന് വിദഗ്ധർ അഭിപ്രായപ്പെടുന്നു.

വെണ്ടയ്ക്ക വെള്ളം തയ്യാറാക്കാൻ നാലോ അഞ്ചോ ചെറിയ വെണ്ടയ്ക്ക കിഴിച്ച ശേഷം രണ്ടു ഗ്ലാസ് വെള്ളത്തിൽ രാത്രി മുഴുവൻ കുതിർത്തിവയ്ക്കണം. രാവിലെ ഈ വെണ്ടയ്ക്ക നന്നായി ഞരടി അതിലെ പോഷകങ്ങൾ വെള്ളത്തിലേക്ക് പകരാൻ സഹായിക്കണം. പിന്നീട് ഈ വെള്ളം കഴിക്കാനാവും.

ആരോഗ്യഗുണങ്ങൾ

1. വണ്ണം കുറയ്ക്കാൻ സഹായിക്കുന്നു

വണ്ണം കുറയ്ക്കാൻ ശ്രമിക്കുന്നവർക്ക് ഇതൊരു മികച്ച ആയുധമാണ്. വെണ്ടയ്ക്കയിലടങ്ങിയിരിക്കുന്ന വൈറ്റമിൻ ബി, വൈറ്റമിൻ സി, ഫോളിക് ആസിഡ്, ഫൈബർ എന്നിവ ദഹനം മെച്ചപ്പെടുത്തുകയും വിശപ്പിനെ നിയന്ത്രിക്കുകയും ചെയ്യുന്നു. ഇതുവഴി വണ്ണം കുറയ്ക്കാനുള്ള ശ്രമങ്ങൾക്ക് പിന്തുണ നൽകുന്നു.

2. പ്രമേഹ നിയന്ത്രണത്തിന് സഹായകരം

പ്രമേഹരോഗികൾക്ക് വെണ്ടയ്ക്കയിട്ട് വെള്ളം കുടിക്കുന്നത് ഗുണകരമാണ്. ഭക്ഷണത്തിൽ നിന്ന് കാർബോഹൈഡ്രേറ്റ് ആഗിരണം ചെയ്യുന്നതിന് തടസം സൃഷ്ടിച്ച് രക്തത്തിലെ ഗ്ലൂക്കോസ് നില നിയന്ത്രണത്തിലാക്കാൻ ഇത് സഹായിക്കുന്നു.

3. രോഗപ്രതിരോധ ശേഷി വർദ്ധിപ്പിക്കുന്നു

വെണ്ടയ്ക്കയിലെ ആന്റിഓക്‌സിഡൻറുകൾ രോഗപ്രതിരോധ ശേഷി വർദ്ധിപ്പിക്കുകയും ശരീരത്തെ രോഗങ്ങളിൽ നിന്ന് സംരക്ഷിക്കുകയും ചെയ്യുന്നു.

4. ഹൃദയാരോഗ്യം മെച്ചപ്പെടുത്തുന്നു

വെണ്ടയ്ക്കയിൽ അടങ്ങിയിരിക്കുന്ന പോഷകങ്ങൾ രക്തസമ്മർദ്ദം നിയന്ത്രിക്കാനും കൊളസ്‌ട്രോൾ നില നിയന്ത്രിക്കാനും സഹായിക്കുന്നു.

5. ചര്‍മ്മസൗന്ദര്യത്തിനും ഗുണം

ത്വക്ക് ആരോഗ്യപ്രദമായി നിലനിർത്താൻ വെണ്ടയ്ക്കയിൽ അടങ്ങിയിരിക്കുന്ന ആന്റിഓക്‌സിഡൻറുകൾ സഹായിക്കുന്നു.

ആകെക്കൂടി നോക്കുമ്പോൾ, വെണ്ടയ്ക്ക കുതിർത്തിയ വെള്ളം ആരോഗ്യത്തിനായി ഉൾപ്പെടുത്താവുന്ന ഒരു ശീലമാണെന്നും ഇത് പലവിധ ഗുണങ്ങൾ നൽകുമെന്നും ആരോഗ്യവിദഗ്ധർ നിർദേശിക്കുന്നു.