ഹൃദയം തകർന്ന് സുജയെത്തി...!, മകനെ അവസാനമായി ഒരു നോക്ക് കാണാൻ; മൃതദേഹം സ്കൂളിൽ, പൊതുദർശനത്തിന് എത്തിച്ചേരുന്നത് ആയിരങ്ങൾ

തേ​വ​ല​ക്ക​ര ബോ​യ്​​സ്​ ഹൈ​സ്കൂ​ളി​ൽ ഷോക്കേറ്റ് മരിച്ച മിഥുനെ അവസാനമായി കാണാൻ ഹൃദയം തകർന്ന് അമ്മ എത്തി. കു​വൈ​റ്റി​ൽ ​നി​ന്ന്​ രാവിലെ 9.08നാണ് അമ്മ സുജ കൊച്ചി വിമാനത്താവളത്തിലിറങ്ങിയത്.

ഇളയ മകനും ബന്ധുക്കളും വിമാനത്താവളത്തിലെത്തിയിരുന്നു. കൊല്ലത്തേക്ക് പോകുന്ന കുടുംബത്തിന് പൊലീസ് അകമ്പടിയുണ്ടായിരുന്നു. രാവിലെ പത്തു മുതൽ മിഥുൻ പഠിച്ച സ്കൂളിൽ പൊതുദർശനത്തിന് വെച്ചിരിക്കുകയാണ് മൃതദേഹം. ആയിരങ്ങൾ ആണ് മിഥുനെ ഒരു നോക്കു കാണാനായി ഇവിടെയൊക്കെ എത്തിച്ചേരുന്നത്.

മൂ​ന്നു​മാ​സം​ മു​മ്പ്​ വീ​ട്ടു​​ജോ​ലി​ക്കാ​യി കു​വൈ​റ്റി​ൽ പോ​യ സു​ജ, മ​ക​ന്​ ദു​ര​ന്ത​മു​ണ്ടാ​കു​ന്ന സ​മ​യ​ത്ത്​ തു​ർ​ക്കി​യി​ലാ​യി​രു​ന്നു. ജോ​ലി​ചെ​യ്യു​ന്ന വീ​ട്ടി​ലു​ള്ള​വ​രു​മൊ​ത്ത്​ ഒ​രു​മാ​സം മു​മ്പ്​ പോ​യ​താ​യി​രു​ന്നു. എല്ലാ ദിവസവും വീഡിയോ കോളിലൂടെ മക്കളോട് സുജ സംസാരിക്കാറുണ്ടായിരുന്നു. മിഥുൻ ഷോക്കേറ്റ് ദാ​രു​ണ​മായി മ​രിച്ച വിവരം അ​റി​യി​ക്കാ​ൻ കു​ടും​ബാം​ഗ​ങ്ങ​ൾ ശ്ര​മം ന​ട​ത്തി​യി​ട്ടും മ​ണി​ക്കൂ​റു​ക​ളോ​ളം സാധിച്ചിരുന്നില്ല.