മുംബൈ : വിമാനത്താവളത്തിന്റെ പേര് മാറ്റി എന്നാരോപിച്ച് മുംബൈയിലെ അദാനി ഗ്രൂപ്പിൻ്റെ ഉടമസ്ഥതയിലുള്ള വിമാനത്താവളത്തിലെ അദാനിയുടെ ബോർഡുകൾ തല്ലിത്തകർത്ത് ശിവസേന പ്രവർത്തകർ. വിമാനത്താവളത്തിൻ്റെ പേര് ഛത്രപതി ശിവാജി മഹാരാജ് ഇന്റർനാഷണൽ എയർപോർട്ട് എന്നാണെന്നും, അദാനി എന്നല്ലെന്നും പ്രവർത്തകർ പറഞ്ഞു.
ഈ വർഷം ജുലൈ പതിനാലോടെയാണ് അന്താരാഷ്ട്ര വിമാനത്താവളത്തിന്റെ (മിയാൽ) നടത്തിപ്പ് ചുമതല ശതകോടീശ്വരൻ ഗൗതം അദാനി നയിക്കുന്ന അദാനി ഗ്രൂപ്പ് ഏറ്റെടുത്തത് . മിയാലിന്റെ 74 ശതമാനം ഓഹരികൾ അദാനിക്ക് സ്വന്തമാണ്. മുംബയ് വിമാനത്താവളത്തിലെ ഛത്രപതി ശിവാജി മഹാരാജ് ഇന്റർനാഷണൽ എയർപോർട്ടിലെ (സി.എസ്.എം.ഐ.എ) ശ്രദ്ധേയമായ 'ടെർമിനൽ 2" ഉൾപ്പെടെ നിർമ്മിച്ച ജി.വി.കെ ഗ്രൂപ്പിൽ നിന്നാണ് ചുമതല അദാനി ഏറ്റെടുത്തത്.
.jpg)
