ഭർത്താവിനൊപ്പം സ്‌കൂട്ടറിൽ യാത്ര ചെയ്യവേ ടോറസ് ലോറിയിടിച്ച് യുവതിയ്ക്ക് ദാരുണാന്ത്യം

കോട്ടയം : ഭർത്താവിനൊപ്പം സ്‌കൂട്ടറിൽ യാത്ര ചെയ്യവേ ടോറസ് ലോറി ശരീരത്തിലൂടെ കയറിയിറങ്ങി ചെങ്ങന്നൂരിൽ യുവതി മരിച്ചു. വെൺമണി കുറ്റിയിൽ പുത്തൻ വീട്ടിൽ ഓമനക്കുട്ടന്റെ ഭാര്യ അജിത(47)യാണ് മരിച്ചത്. ഇന്ന് രാവിലെ 11.30-ഓടെ എം.സി റോഡിൽ ചെങ്ങന്നൂർ ഐ.ടി.ഐ ജംഗ്ഷനു സമീപത്തുവച്ചാണ് അപകടമുണ്ടായത്. 

 സ്‌കൂട്ടറിലിരുന്ന അജിത ടോറസ് ലോറിക്കടിയിൽ പെടുകയായിരുന്നു. ഗുരുതരാവസ്ഥയിലായ ഇവരെ തിരുവല്ലയിലെ സ്വകാര്യ ആശുപത്രിയിലും ശേഷം കോട്ടയം ഗവ. മെഡിക്കൽ കോളജ് ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. അഭിഷേക്, ആദിത്യൻ മക്കളാണ്.