സംസ്ഥാനത്തിൻ്റെ വ്യവസായ അന്തരീക്ഷം മെച്ചപ്പെടുന്നു ; മുഖ്യമന്ത്രി

തിരുവനന്തപുരം : സംസ്ഥാനത്തിൻ്റെ വ്യവസായ അന്തരീക്ഷം മെച്ചപ്പെടുകയാണെന്നും നാടിൻ്റെ ഐക്യം ശ്രദ്ധിക്കപ്പെടുകയാണെന്നും മുഖ്യമന്ത്രി പിണറായി വിജയന്‍. നാടിന് വേണ്ടി ഒരുപാട് കാര്യങ്ങൾ ചെയ്യാനുണ്ട്.  

നമ്മുടെ സംസ്ഥാനം വലിപ്പം കൊണ്ട് ചെറുതാണെങ്കിലും കയറ്റുമതി കൊണ്ട് ധാരാളം ശ്രദ്ധ ആകര്‍ഷിക്കുന്നുണ്ടെന്നും അദ്ദേഹം പറഞ്ഞു. ഇടുക്കി മുട്ടത്തെ തുടങ്ങനാട്ടില്‍ ആദ്യഘട്ട നിര്‍മ്മാണം പൂര്‍ത്തിയാക്കിയ കിന്‍ഫ്ര സ്‌പൈസസ് പാര്‍ക്ക് ഉദ്ഘാടനം ചെയ്യുകയായിരുന്നു അദ്ദേഹം. 

കാർഷിക ഉത്പന്നങ്ങൾ മൂല്യ വർദ്ധിത ഉൽപന്നം ആക്കുന്നതോടെ കർഷകർക്ക് മെച്ചം ഉണ്ടാകുന്നുണ്ട്. മികച്ച പിന്തുണ നൽകാൻ കഴിഞ്ഞാൽ ഭക്ഷ്യസുരക്ഷ മേഖല പുരോഗതി പ്രാപിക്കുമെന്നും മുഖ്യമന്ത്രി പറഞ്ഞു.