കാർഷിക മേഖലയ്‌ക്ക് പ്രത്യേക ഊന്നൽ നൽകുമെന്ന് ഉറപ്പ്!, നികുതി സ്ലാബിൽ മാറ്റമൊന്നും വരുത്തിയില്ല, അടിസ്ഥാന സൗകര്യ വികസനത്തിലൂടെ കൂടുതല്‍ മെഡിക്കല്‍ കോളേജുകള്‍ സ്ഥാപിക്കുമെന്ന് പ്രഖ്യാപനം, ജൈവ ഇന്ധനത്തിനായി പ്രത്യേക പദ്ധതി, വിദ്യാഭ്യാസ മേഖല കഴിഞ്ഞ ദശകത്തിൽ പരിവർത്തനപ്പെട്ടുവെന്ന് ധനമന്ത്രി, സർക്കാർ നേട്ടങ്ങൾ എണ്ണിപ്പറഞ്ഞും തുടർ ഭരണം ഉണ്ടാവുമെന്ന് ആത്മവിശ്വാസം പ്രകടിപ്പിച്ചും കേന്ദ്ര ധനമന്ത്രി നിർമലാ സീതാരാമൻ്റെ ബജറ്റ്, പ്രധാനപ്പെട്ടത് ഇവയൊക്കെ

നിലവിൽ ആദായ നികുതിദായകർക്ക് ഇളവ് നൽകിയിട്ടില്ല. ഏഴ് ലക്ഷം രൂപ വരെയുള്ള വരുമാനത്തിന് നികുതി ഈടാക്കില്ല. ആദായനികുതി അടയ്ക്കുന്നതിനുള്ള നടപടിക്രമങ്ങൾ ലളിതമാക്കി. റീഫണ്ടുകളും വേഗത്തിൽ നൽകും. ജിഎസ്ടി കളക്ഷൻ ഇരട്ടിയായി. ജിഎസ്ടിയോടെ പരോക്ഷ നികുതി സമ്പ്രദായം മാറി.

ധനക്കമ്മി 5.1 ശതമാനമായിരിക്കുമെന്ന് ധനമന്ത്രി നിർമല സീതാരാമൻ പറഞ്ഞു. ചെലവ് 44.90 കോടിയും വരുമാനം 30 ലക്ഷം കോടിയുമാണ്. ആദായനികുതി പിരിവ് 10 വർഷത്തിനിടെ മൂന്നിരട്ടി വർധിച്ചു. നികുതി നിരക്ക് കുറച്ചു. 7 ലക്ഷം രൂപ വരുമാനമുള്ളവർക്ക് നികുതി നൽകേണ്ടതില്ല. 2025-2026 ഓടെ കമ്മി ഇനിയും കുറയും.

നിലവിലുള്ള ആശുപത്രി അടിസ്ഥാന സൗകര്യങ്ങള്‍ പ്രയോജനപ്പെടുത്തി കൂടുതല്‍ മെഡിക്കല്‍ കോളേജുകള്‍ സ്ഥാപിക്കാനാണ് നമ്മുടെ സര്‍ക്കാര്‍ പദ്ധതിയിടുന്നത്. പ്രശ്നങ്ങള്‍ പരിശോധിച്ച് പ്രസക്തമായ ശുപാര്‍ശകള്‍ നല്‍കുന്നതിന് ഇതിനായി ഒരു കമ്മിറ്റി രൂപീകരിക്കും

ലക്ഷദ്വീപിൽ പുതിയ പദ്ധതികൾ ആരംഭിക്കും. പ്രധാനമന്ത്രി ആവാസ് യോജനയിലെ 70 ശതമാനം വീടുകളും സ്ത്രീകൾക്കായി നിർമ്മിച്ചതാണ്. ടൂറിസം മേഖലയിൽ വിദേശ നിക്ഷേപം പ്രോത്സാഹിപ്പിക്കും. 75,000 കോടി രൂപയുടെ വായ്പ പലിശരഹിതമായി നൽകി. എഫ്ഡിഐയും 2014ൽ നിന്ന് 2023ലേക്ക് വർധിച്ചിട്ടുണ്ട്. മെച്ചപ്പെടുത്തലുകൾക്കായി 75,000 കോടി രൂപ വകയിരുത്തി. സമ്പൂർണ ബജറ്റ് ജൂലൈയിൽ വരും. വികസിത ഇന്ത്യയുടെ റോഡ് മാപ്പ് ഇതിൽ അവതരിപ്പിക്കും. അടിസ്ഥാന സൗകര്യ വികസനത്തിന് 11 ശതമാനം അധികം ചെലവഴിക്കും. ജനസംഖ്യാ വർദ്ധനവ് സംബന്ധിച്ച് ഒരു കമ്മിറ്റി രൂപീകരിച്ചിട്ടുണ്ടെന്നും ധനമന്ത്രി പറഞ്ഞു.

ജൈവ ഇന്ധനത്തിനായി പ്രത്യേക പദ്ധതി കൊണ്ടുവന്നിട്ടുണ്ടെന്ന് ധനമന്ത്രി നിർമല സീതാരാമൻ പറഞ്ഞു. പൊതുഗതാഗതത്തിന് ഇ-വാഹനങ്ങൾ ലഭ്യമാക്കും. റെയിൽവേ-കടൽ പാത ബന്ധിപ്പിക്കുന്നതിനും ഊന്നൽ നൽകും. ടൂറിസം കേന്ദ്രങ്ങളുടെ വികസനം ത്വരിതപ്പെടുത്തും. സംസ്ഥാനങ്ങൾക്ക് പലിശ രഹിത വായ്പ നൽകുന്നുണ്ട്. ടയർ 2, ടയർ 3 നഗരങ്ങളെ വിമാനമാർഗം ബന്ധിപ്പിക്കും.

വിദ്യാഭ്യാസ മേഖല കഴിഞ്ഞ ദശകത്തിൽ പരിവർത്തനപ്പെട്ടുവെന്ന് ധനമന്ത്രി നിർമല സീതാരാമൻ. 

സയൻസ്, ടെക്നോളജി, എഞ്ചിനീയറിംഗ്, മാത്തമാറ്റിക്സ് എന്നീ STEM കോഴ്‌സുകളിൽ ചേരുന്ന പെൺകുട്ടികളുടെ എണ്ണത്തിൽ 43 ശതമാനത്തിന്റെ വർദ്ധനയാണ് രേഖപ്പെടുത്തി. ലോകത്തിലെ തന്നെ ഏറ്റവും ഉയർന്ന കണക്കാണിതെന്നും ധനമന്ത്രി കൂട്ടിച്ചേർത്തു.

നരേന്ദ്രമോദിക്ക് കീഴിലുള്ള സര്‍ക്കാര്‍ 3000 പുതിയ ഐടിഐകളാണ് രാജ്യത്ത് സ്ഥാപിച്ചത്. ഏഴു ഐഐടികള്‍, 16 ഐഐഐടികള്‍, ഏഴു ഐഐഎമ്മുകള്‍, 15 എയിംസ്, 390 സര്‍വ്വകലാശാലകള്‍ എന്നിങ്ങനെ നിരവധി ഉന്നത വിദ്യാഭ്യാസ സ്ഥാപനങ്ങളാണ് സര്‍ക്കാര്‍ ആരംഭിച്ചതെന്ന് കേന്ദ്ര ധനമന്ത്രി പറഞ്ഞു.

നമ്മുടെ യുവരാജ്യത്തിന് ഉയര്‍ന്ന അഭിലാഷങ്ങളും വര്‍ത്തമാനകാലത്തെ അഭിമാനവും ശോഭനമായ ഭാവിയെക്കുറിച്ചുള്ള പ്രതീക്ഷയും ആത്മവിശ്വാസവുമുണ്ട്. ഞങ്ങളുടെ ഗവണ്‍മെന്റ് അതിന്റെ മഹത്തായ പ്രവര്‍ത്തനത്തെ അടിസ്ഥാനമാക്കിയുള്ള ജനങ്ങളാല്‍ വീണ്ടും അനുഗ്രഹിക്കപ്പെടുമെന്ന് ഞങ്ങള്‍ പ്രതീക്ഷിക്കുന്നു.

ഈ സര്‍ക്കാര്‍ രാജ്യത്തെ നാലു വിഭാഗങ്ങള്‍ക്കാണ് കൂടുതല്‍ ശ്രദ്ധ ചെലുത്തുന്നത്. അത് ഗരീബ്, മഹിളായെ, യുവ, അന്നദാതാവ് (പാവപ്പെട്ടവര്‍, സ്ത്രീകള്‍, യുവാക്കള്‍, കര്‍ഷകര്‍ )എന്നിങ്ങനെയാണ്. അവരുടെ ആവശ്യങ്ങളും അഭിലാഷങ്ങളുമാണ് ഞങ്ങളുടെ ഏറ്റവും ഉയര്‍ന്ന മുന്‍ഗണനകള്‍. ഈ വിഭാഗങ്ങള്‍ ഉയര്‍ന്നാല്‍ രാജ്യം ഉയരുമെന്നാണ് നമ്മുടെ കാഴ്‌ച്ചപാട്.