ആട്ടിൻകുട്ടി കിണറ്റിൽ വീണതോടെ രക്ഷിക്കാനിറങ്ങി!, വായൂ സഞ്ചാരം കുറഞ്ഞ കിണറ്റിൽ ശ്വാസം കിട്ടാതെ അവശനായി, കൊല്ലത്ത് ഗൃഹനാഥന് ദാരുണാന്ത്യം

കൊല്ലം : കടയ്ക്കലിൽ കിണറ്റിൽ വീണ ആട്ടിൻകുട്ടിയെ രക്ഷിക്കാനിറങ്ങിയ ഗൃഹനാഥൻ ശ്വാസം കിട്ടാതെ മരിച്ചു. അരിനിരത്തിൻ പാറ സ്വദേശി അറുപത്തിയഞ്ച് വയസ്സുള്ള ഉണ്ണികൃഷ്ണകുറുപ്പാണ് മരിച്ചത്. നാലരയോടെ കിണറ്റിൽ വീണ ആടിനെ രക്ഷിക്കാൻ കിണറ്റിൻ ഇറങ്ങിയപ്പോഴായിരുന്നു അപകടം.

കിണറ്റിനുള്ളിൽ ഓക്‌സിജൻ ഇല്ലത്തത് കാരണം അവശനായ ഉണ്ണികൃഷ്ണ കുറുപ്പിനെ കടയ്ക്കൽ നിന്ന് ഫയർഫോഴ്‌സ് എത്തിയാണ് കരയ്‌ക്കെത്തിച്ചത്. കടയ്ക്കൽ താലൂക്കാശുപത്രിയിലെത്തിയപ്പോഴേക്കും മരിച്ചിരുന്നു. കിണറ്റിൽ അകപ്പെട്ട ആടിനും ജീവൻ നഷ്ടമായി. മൃതദേഹം ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റ്‌മോർട്ടത്തിന് ശേഷം വീട്ടുകാർക്ക് വിട്ടുനൽകും.