ഡ്രൈ​വി​ങ് ടെ​സ്റ്റി​ൽ പാ​തി​യി​ലേ​റെ​ പേ​രും തോ​ൽ​ക്കു​ന്നു...!, പാ​സാ​കു​ന്ന​വ​രു​ടെ എ​ണ്ണം കൂ​ടു​ത​ലാ​കു​ന്ന എം.​വി.​ഐ​മാ​രു​ടെ കീ​ഴി​ലു​ള്ള ടെ​സ്റ്റ് വി​ജി​ല​ൻ​സ് സ്ക്വാ​ഡി​ന്റെ മേ​ൽ​നോ​ട്ട​ത്തി​ൽ നടത്തും, വിജിലൻസ് ടെസ്റ്റിൽ പാ​സാ​കു​ന്ന​വ​രു​ടെ എ​ണ്ണം കു​റ​ഞ്ഞാ​ൽ എം.​വി.​ഐ​യ്ക്കെതിരെ നടപടി, പൊ​ല്ലാ​പ്പ് പേ​ടി​ച്ച് പ​ര​മാ​വ​ധി​പേ​രെ തോ​ൽ​പി​ക്കാ​ൻ ഉ​ദ്യോ​ഗ​സ്ഥ​ർ നി​ർ​ബ​ന്ധി​ത​രാ​കു​ന്നു, ഡ്രൈവിംഗ് ടെസ്റ്റിലെ ഉൾക്കാഴ്ചകൾ പുതിയ കണക്കിൽ പുറത്തുവരുമ്പോൾ

കോ​ഴി​ക്കോ​ട് : ന​ട​പ​ടി​ക​ൾ ക​ർ​ശ​ന​മാ​ക്കി​യ​തോ​ടെ മോ​ട്ടോ​ർ വാ​ഹ​ന വ​കു​പ്പി​ന്റെ ഡ്രൈ​വി​ങ് ടെ​സ്റ്റി​ൽ പാ​തി​യി​ലേ​റെ​ പേ​രും തോ​ൽ​ക്കു​ന്നു. മേ​യ് ഒ​ന്നു മു​ത​ൽ ന​ട​പ്പാ​ക്കി​യ പ​രി​ഷ്ക​ര​ണ​ത്തി​നു​ശേ​ഷം ന​ട​ന്ന ടെ​സ്റ്റു​ക​ളു​ടെ സം​സ്ഥാ​ന​ത​ല ക​ണ​ക്കു​ക​ളി​ലാ​ണ് പാ​തി​യി​ലേ​റെ​പേ​രും പ​രാ​ജ​യ​​പ്പെ​ടു​ക​യാ​ണെ​ന്ന് തെ​ളി​യു​ന്ന​ത്. ഒ​രു എം.​വി.​ഐ 40 ടെ​സ്റ്റു​ക​ൾ മാ​ത്രം ന​ട​ത്തി​യാ​ൽ മ​തി​യെ​ന്ന മോ​ട്ടോ​ർ വാ​ഹ​ന​വ​കു​പ്പി​ന്റെ ക​ർ​ശ​ന നി​ർ​ദേ​ശ​മാ​ണ് ടെ​സ്റ്റ് കു​റ്റ​മ​റ്റ​താ​ക്കി​യ​ത്. മു​മ്പ് ഒ​രു എം.​വി.​ഐ നൂ​റും നൂ​റ്റി​രു​പ​തും ടെ​സ്റ്റു​ക​ളാ​ണ് ഒ​രു ദി​വ​സം ന​ട​ത്തി​യ​ത്.

എം.​വി.​ഐ ന​ട​ത്തു​ന്ന ടെ​സ്റ്റു​ക​ളു​ടെ​യും ജ​യി​ക്കു​ന്ന​വ​രു​ടെ​യും തോ​ൽ​ക്കു​ന്ന​വ​രു​ടെ​യും എ​ണ്ണ​വും ദി​നം​പ്ര​തി ഇ​ന്റേ​ണ​ൽ വി​ജി​ല​ൻ​സ് വി​ഭാ​ഗം നി​രീ​ക്ഷി​ക്കു​ന്നു​ണ്ട്. പാ​സാ​കു​ന്ന​വ​രു​ടെ എ​ണ്ണം കൂ​ടു​ത​ലാ​കു​ന്ന എം.​വി.​ഐ​മാ​രു​ടെ കീ​ഴി​ലു​ള്ള ടെ​സ്റ്റ് വി​ജി​ല​ൻ​സ് സ്ക്വാ​ഡി​ന്റെ മേ​ൽ​നോ​ട്ട​ത്തി​ൽ ന​ട​ത്തും.

അ​​തി​ൽ പാ​സാ​കു​ന്ന​വ​രു​ടെ എ​ണ്ണം കു​റ​ഞ്ഞാ​ൽ എം.​വി.​ഐ​യെ എ​ൻ​ഫോ​ഴ്സ്മെ​ന്റ് സ്ക്വാ​ഡി​ലേ​ക്ക് മാ​റ്റു​ക​യും ന​ട​പ​ടി​ക​ൾ​ക്ക് ശുപാ​ർ​ശ ചെ​യ്യു​ക​യു​മാ​ണ് വി​ജി​ല​ൻ​സ് വി​ഭാ​ഗം. അ​തി​നാ​ൽ, എം.​വി.​ഐ​മാ​ർ ന​ട​പ​ടി ഭീ​തി​യി​ലാ​ണ് ടെ​സ്റ്റു​ക​ൾ ന​ട​ത്തു​ന്ന​ത്.

പാ​ർ​ട്ട് ഒ​ന്ന്, പാ​ർ​ട്ട് ര​ണ്ട് വി​ജ​യി​ച്ച​വ​രു​ടെ​യും വി​വ​ര​ങ്ങ​ൾ ഉ​ൾ​പ്പെ​ടെ സം​സ്ഥാ​ന ത​ല​ത്തി​ലേ​ക്ക് റി​പ്പോ​ർ​ട്ട് ന​ൽ​ക​ണം. ഫ​ലം കു​റ്റ​മ​റ്റ​താ​ക്ക​ണ​മെ​ന്ന മോ​ട്ടോ​ർ വാ​ഹ​ന വ​കു​പ്പ് ഉ​ന്ന​ത​രു​ടെ ക​ർ​ശ​ന നി​ർ​ദേ​ശ​ത്തെ​ത്തു​ട​ർ​ന്ന് എം.​വി.​ഐ​മാ​രും എ.​എം.​വി.​ഐ​മാ​രും ടെ​സ്റ്റി​ന് എ​ത്തു​ന്ന​വ​രെ നി​സ്സാ​ര കാ​ര​ണം പ​റ​ഞ്ഞ് ബോ​ധ​പൂ​ർ​വം തോ​ൽ​പി​ക്കു​ന്ന​താ​യും ആ​രോ​പ​ണ​മു​ണ്ട്.

തോ​റ്റ​തി​ന്റെ കാ​ര​ണം ചോ​ദി​ക്കു​മ്പോ​ൾ വി​ശ​ദീ​ക​ര​ണം ന​ൽ​കാ​ൻ​പോ​ലും ഉ​ദ്യോ​ഗ​സ്ഥ​ർ വി​ഷ​മി​ക്കു​ന്ന അ​വ​സ്ഥ​യി​ലേ​ക്ക് കാ​ര്യ​ങ്ങ​ൾ എ​ത്തി​യെ​ന്നാ​ണ് ടെ​സ്റ്റി​നെ​ത്തു​ന്ന​വ​ർ പ​റ​യു​ന്ന​ത്. പൊ​ല്ലാ​പ്പ് പേ​ടി​ച്ച് പ​ര​മാ​വ​ധി​പേ​രെ തോ​ൽ​പി​ക്കാ​ൻ ഉ​ദ്യോ​ഗ​സ്ഥ​ർ നി​ർ​ബ​ന്ധി​ത​രാ​കു​ക​യാ​ണെ​ന്ന ആ​ക്ഷേ​പ​മു​ണ്ട്.

റോ​ഡ് ടെ​സ്റ്റി​ലാ​ണ് നി​സ്സാ​ര കാ​ര​ണം പ​റ​ഞ്ഞ് തോ​ൽ​പി​ക്കു​ന്ന​ത്. ടെ​സ്റ്റി​ന് അ​വ​സ​രം ല​ഭി​ക്കാ​ൻ​ത​ന്നെ മാ​സ​ങ്ങ​ൾ കാ​ത്തി​രി​ക്ക​ണം. പ​രാ​ജ​യ​പ്പെ​ട്ടാ​ലും ഓ​ൺ​ലൈ​നി​ൽ അ​പേ​ക്ഷി​ക്കേ​ണ്ട​തി​നാ​ൽ സ്ലോ​ട്ടി​ന് വീ​ണ്ടും മാ​സ​ങ്ങ​ൾ കാ​ത്തി​രി​ക്കേ​ണ്ട അ​വ​സ്ഥ​യാ​ണ്.

മോ​​ട്ടോ​ർ വാ​ഹ​ന വ​കു​പ്പി​ന്റെ സൈ​റ്റ് എ​പ്പോ​ൾ തു​റ​ന്നാ​ലും 60 ദി​വ​​സ​ത്തേ​ക്ക് സ്ലോ​ട്ട് ല​ഭ്യ​മ​ല്ലെ​ന്ന അ​റി​യി​പ്പാ​ണ് ല​ഭി​ക്കു​ന്ന​തെ​ന്ന് അ​പേ​ക്ഷ​ക​ർ പ​റ​യു​ന്നു. സം​സ്ഥാ​ന​ത്ത് ആ​യി​ര​ക്ക​ണ​ക്കി​ന് അ​പേ​ക്ഷ​ക​രാ​ണ് ഡ്രൈ​വി​ങ് ടെ​സ്റ്റ് ക​ട​മ്പ​യി​ൽ കു​ടു​ങ്ങി​ക്കി​ട​ക്കു​ന്ന​ത്.