സ്വന്തം ലേഖകൻ
തിരുവനന്തപുരം : തമ്പാനൂർ ഭാഗത്തെ ആമയിഴഞ്ചാൻ തോട് വൃത്തിയാക്കുന്നതിനിടയിൽ ഒഴുക്കിൽപ്പെട്ട് മരണമടഞ്ഞ ക്രിസ്റ്റഫർ ജോയിയുടെ മാതാവിന് മുഖ്യമന്ത്രിയുടെ ദുരിതാശ്വാസനിധിയിൽ നിന്ന് 10 ലക്ഷം രൂപ അനുവദിക്കാൻ മന്ത്രിസഭായോഗം തീരുമാനിച്ചു.
ശനിയാഴ്ച രാവിലെയാണ് നഗരസഭയിലെ താത്കാലിക തൊഴിലാളിയായ മാരായമുട്ടം സ്വദേശി ജോയിയെ തോട്ടില് കാണാതായത്. തോട് വൃത്തിയാക്കുന്നതിനിടെയായിരുന്നു സംഭവം. മാലിന്യം തിങ്ങിനിറഞ്ഞതിനാല് ആദ്യഘട്ടത്തില് തോട്ടിലെ ടണലിനുള്ളിലേക്ക് പ്രവേശിക്കാന് രക്ഷാപ്രവര്ത്തകര്ക്കായില്ല. പിന്നീടാണ് 46 മണിക്കൂറുകൾ ശേഷം കിലോമീറ്ററുകൾക്കപ്പുറം തോട്ടിൽ മൃതദേഹം കണ്ടെത്തിയത്.
വാർത്തകൾ നൽകാൻ ഇവിടെ ക്ലിക്ക് ചെയ്യു
>
0 Comments