മസ്കറ്റ് : തെക്കൻ ഒമാനിലെ ദോഫാർ ഗവർണറേറ്റിലെ ഷാലിം വിലായത്തിലെ ഹല്ലാനിയത്ത് ദ്വീപുകൾക്ക് സമീപം ഇന്ന് നേരിയ ഭൂചലനം അനുഭവപ്പെട്ടു. റിക്ടർ സ്കെയിലിൽ 5.1 തീവ്രത രേഖപ്പെടുത്തിയ ഭൂകമ്പമെന്ന് സുൽത്താൻ ഖാബൂസ് സർവ്വകലാശാലയിലെ ഭൂകമ്പ നിരീക്ഷണ കേന്ദ്രം അറിയിച്ചു.
പ്രാദേശിക സമയം ഉച്ചയ്ക്ക് 2.32 ഓടെയാണ് ഭൂകമ്പം അനുഭവപ്പെട്ടത്. സലാലയിൽ നിന്ന് ഏകദേശം 155 കിലോമീറ്റർ വടക്കുകിഴക്കായി, 4 കിലോമീറ്റർ ആഴത്തിലാണ് ഭൂകമ്പത്തിന്റെ പ്രഭവ കേന്ദ്രമെന്ന് കേന്ദ്രം വ്യക്തമാക്കി. ആളപായങ്ങളോ കാര്യമായ നാശനഷ്ടങ്ങളോ ഇതുവരെ റിപ്പോർട്ട് ചെയ്തിട്ടില്ല. ഭൂചലനം അനുഭവപ്പെട്ട പ്രദേശം അധികൃതർ തുടര്ന്നും നിരീക്ഷിച്ചുവരികയാണ്.
അതേസമയം, ഒമാനിലെ ഭൂചലനത്തിന്റെ പ്രകമ്പനം അയൽരാജ്യമായ യുഎഇയിൽ അനുഭവപ്പെട്ടിട്ടില്ലെന്ന് അധികൃതർ അറിയിച്ചു. യുഎഇ സജീവമായ ഭൂകമ്പ സാധ്യതയുള്ള പ്രദേശമല്ലെന്നും ഇവിടെ ജനങ്ങൾ പൂര്‍ണമായും സുരക്ഷിതരാണെന്നും പരിഭ്രാന്തിക്കാവശ്യമില്ലെന്നും സീസ്മോളജി വിഭാഗം ഡയറക്ടർ ഖലീഫ അൽ ഇബ്രി വ്യക്തമാക്കി.
വാർത്തകൾ നൽകാൻ ഇവിടെ ക്ലിക്ക് ചെയ്യു
>
0 Comments