നടൻ കലാഭവൻ നവാസ് അന്തരിച്ചു

മിമിക്രിയിലൂടെ മിനിസ്ക്രീനിലും സിനിമയിലും എത്തി പ്രേക്ഷകരെ ചിരിപ്പിച്ച നടൻ കലാഭവൻ നവാസ് (51) അന്തരിച്ചു. ചോറ്റാനിക്കരയിലെ ഹോട്ടൽ മുറിയിലാണ് ഇദ്ദേഹത്തെ മരിച്ച നിലയിൽ കണ്ടെത്തിയത്. മരണകാരണം ഹൃദയാഘാതം ആണെന്നാണ് സൂചന. ചോറ്റാനിക്കരയിൽ ഒരു സിനിമയുടെ ഷൂട്ടിങ്ങിനു ശേഷം വിശ്രമിക്കാനായി ഹോട്ടൽ മുറിയിൽ എത്തിയതായാണ് പ്രാഥമിക വിവരം. ഇവിടെ ഹോട്ടൽ ജീവനക്കാർ അദ്ദേഹത്തെ മരിച്ച നിലയിൽ കണ്ടെത്തിയതായി പറയപ്പെടുന്നു.