കാഞ്ഞാവെളി - പ്രാക്കുളം പ്രദേശങ്ങളിൽ പോസ്റ്റ്മാൻ കത്ത് നൽകുന്നില്ലെന്ന് ആരോപണം....!, പ്രധാന രേഖകൾ റിട്ടേൺ പോകുന്നതായി നാട്ടുകാരുടെ പരാതി

അഞ്ചാലുംമൂട് : കാഞ്ഞാവെളി - പ്രാക്കുളം പ്രദേശങ്ങളിൽ തപാൽ സേവനത്തിലെ വീഴ്ച നാട്ടുകാരെ ഗുരുതരമായി ബാധിച്ചിരിക്കുകയാണ്. പ്രദേശത്തെ വിലാസങ്ങളിലേക്ക് വരുന്ന കത്തുകളും, മാസികകളും കൂടാതെ ആധാർ കാർഡും ഇന്റർവ്യൂ ലെറ്ററുകളും അടക്കം അത്യാവശ്യ രേഖകളും ലഭിക്കാതെ പോകുന്നതായി പരാതികളുണ്ട്.

പ്രാദേശികർ പറയുന്നതനുസരിച്ച്, പോസ്റ്റുമാൻ വീട്ടിലെത്തിച്ച് നൽകേണ്ട തപാൽ സാധനങ്ങൾ എത്തിക്കാതെ തന്നെ റിട്ടേൺ ആയി പോകുന്നതോ കാണാതെ പോകുന്നതോ പതിവായിട്ടുണ്ട്. ഇതുമൂലം നിരവധി പേർക്ക് സർക്കാർ വക രേഖകളും ബാങ്ക് വിവരങ്ങളും നഷ്ടമാകുന്ന അവസ്ഥയാണ്.

“വിലാസം കൃത്യമായിട്ടും കത്ത് വീട്ടിലെത്താറില്ല. അത്യാവശ്യ രേഖകൾ തിരികെ പോകുന്നുണ്ട്. ഇതിനെതിരെ നടപടിയെടുക്കണമെന്നാണ് ഞങ്ങളുടെ ആവശ്യം,” എന്നാണ് പ്രാക്കുളം പ്രദേശത്തെ നിവാസികളുടെ പ്രതികരണം.

പ്രശ്നം ആവർത്തിച്ച് സംഭവിക്കുന്ന സാഹചര്യത്തിൽ പോസ്റ്റൽ വകുപ്പ് അടിയന്തിര അന്വേഷണം നടത്തി ഉത്തരവാദികൾക്കെതിരെ കർശന നടപടി സ്വീകരിക്കണമെന്ന ആവശ്യം ശക്തമായിട്ടുണ്ട്.

പ്രാക്കുളം തപാൽ ഓഫീസിന്റെ പരിധിയിൽ വരുന്ന ഈ പ്രദേശത്തെ ജനങ്ങൾ സേവനത്തിലെ വീഴ്ച പരിഹരിച്ച് തപാൽ വിതരണം കാര്യക്ഷമമാക്കണമെന്ന് നാട്ടുകാർ ആവശ്യപ്പെടുകയാണ്.