കുണ്ടറയിൽ ബസ്സും സ്കൂട്ടറും കൂട്ടിയിടിച്ച് അപകടം...!, അഞ്ചാലുംമൂട് സ്വദേശിയായ കുണ്ടറ പോസ്റ്റ് മാസ്റ്റർക്ക് ദാരുണാന്ത്യം

​കുണ്ടറ : സ്വകാര്യ ബസ്സും സ്കൂട്ടറും കൂട്ടിയിടിച്ചുണ്ടായ അപകടത്തിൽ കുണ്ടറ പോസ്റ്റ് മാസ്റ്റർ മരിച്ചു. അഞ്ചാലുംമൂട് നീരാവിൽ അപ്പൂസ് സ്മൃതിയിൽ എ. അഞ്ജിത്ത് (41) ആണ് മരിച്ചത്. ഇന്നലെ രാവിലെ 8.30-ന് ചെറുമൂട് കുന്നത്ത് ജംഗ്ഷനിലായിരുന്നു അപകടം.

​നീരാവിലെ വീട്ടിൽ നിന്നും ജോലിസ്ഥലമായ കുണ്ടറ പോസ്റ്റ് ഓഫീസിലേക്ക് സ്കൂട്ടറിൽ വരികയായിരുന്നു അഞ്ജിത്ത്. ഇളമ്പള്ളൂരിൽ നിന്നും അഞ്ചാലുംമൂട് ഭാഗത്തേക്ക് പോവുകയായിരുന്ന സ്വകാര്യ ബസ് സ്കൂട്ടറിൽ ഇടിക്കുകയായിരുന്നു. തെറിച്ചുവീണ അഞ്ജിത്തിനെ ഉടൻ തന്നെ കുണ്ടറയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

​നാളെ കൊല്ലം ഹെഡ് പോസ്റ്റ് ഓഫീസിലും കുണ്ടറ പോസ്റ്റ് ഓഫീസിലും പൊതുദർശനത്തിന് വയ്ക്കും. സംസ്കാരം ഉച്ചയ്ക്ക് 12.30-ന് വീട്ടുവളപ്പിൽ നടക്കും. ഭാര്യ: ഗീതു. മകൾ: ധ്വനി.